كتب الدكتور أشرف حمدي (إيجيبتون) أمس ما يلي مع التحفظ على بعض الألفاظ:
"
لو ملاحظين ان الفيسبوك بقى بكابورت الفترة الأخيرة والبوستات بقى مستفزة ومقرفة ومش عارفين اللي حاصل أقولكم...
الفيسبوك قلل الأرباح الطبيعية العادية على المحتوى.. قللها جدا لدرجة ان المليون مشاهدة ممكن ماتعديش دولار واحد، وبقى شغال بنظام مسابقات (حرفيا).. ومسميه Bonus.. يعني فجأة تلاقيه طالب منك تعمل بوستين كل واحد يحقق 3 مليون reach (ريتش مش مشاهدات) خلال اسبوع عشان تكسب مثلا 300 دولار 🙂 وهو اصلا اللي بيتحكم في الريتش يعني ممكن تعمل البوستين وتلاقي واحد محقق 2.9 مليون والتاني 2.99 مليون ويفوت الأسبوع وتخسر، وتيجي تشوف ارباح الفيديوهين دول تلاقيهم بلح.
فدخلك خلاص بقى معتمد بشكل اساسي على (المسابقات) دي.
من مارس اللي فات والـ algorithms \ الخوارزميات اتغيرت تماما.
فدلوقتي الموضوع اتحول لسباق مسعور، ريتش بأي شكل، اعمل ايييييي حاجة المهم توصل للتارجت المطلوب.
الطريقة دي خلّت المحتوى (اللي هو زبالة اصلا) يكون ازبل وازبل.. اشاعات وفضايح وخالف تعرف وأي جنان المهم يجيب ريتش.
ولسة 🙂
مارك خربها خلاص
"
الرابط:
https://www.facebook.com/Dr.AshrafHamdi2/posts/pfbid0aEzC3sBNBvZwBbFCJ1pw4ddy6yVwfcgLxrfiVKazbkXygYDbPZjzSkogsHtkGac6l
No comments:
Post a Comment